Япония коронавируска байланыштуу жагдайдан улам бүтүндөй өлкөгө өзгөчө абал киргизди. Бул тууралуу жергиликтүү басылмалар жазды.
⠀
Премьер-министр Синдзо Абэ 16-апрелдеги телекайрылуусунда мындай режим бери дегенде 7-майга чейин сакталарын айтты. Ал муну оору тарап жатканы менен негиздеди.
⠀
Өкмөт башчы оору жуктургандардын санын кыскартуу үчүн адамдардын ортосундагы байланышты 80 пайызга чейин азайтуу керектигин белгиледи. Өлкөнүн ар бир жаранына карантин маалында ай сайын миң доллардай төлөнүп турары маалымдалды.
⠀
Япония бийлиги Токио баштаган жети аймакка 7-апрелден тартып өзгөчө абал киргизген. Өкмөт коронавируска каршы күрөшүүгө бир триллион долларга жакын каражат бөлүнөрүн билдирген.
⠀
Соңку маалымат боюнча, Ярлния коронавирус 8,5 миңден ашык адамдан аныкталды, илдеттен 178 киши көз жумду.
⠀
Белгилей кетсек, дүйнө жүзү боюнча оору жуктуруп алгандардын саны 2 миллион адамдан ашты. Коронавирустан 134 миңге чукул киши көз жумду. Соңку бир күн ичинде АКШда, Британияда жана Францияда оору жуктуруп алгандардын саны өстү.