Гүлбүбү Орозкул кызы — ЭМНЕ АЙЫП — текст песни
Багытын беттеп шамалга,
Баратса жалгыз жел кайык.
Баладай коштоп сүйүнгөн,
Бактылуу жанда эмне айып.
Утурлай тосуп алдынан,
Уччудай колун кең жайып.
Кынала калып теңине,
Кылгырган жанда эмне айып.
Жазгырып жандын дүйнөсүн,
Жыпарын чачса кең жайык.
Жаркытып турган демине,
Жароокер жанда эмне айып.
Эңсетип сүйүү элеси,
Эсиңде турса тор жайып.
Санаага батып жол караган,
Сагынган жанда эмне айып.