Кубаныч Садыков — Булакта — текст песни
Булакта булбулдун тили бар,
Булакта кыздардын дили бар.
Ар качан агымы күү черткен,
Апакай булуттай сүйүү бар.
Кайырма:
Өмүргө шериктеш булагым,
Өзүңдө балалык курагым.
Ыр тыңшап жаныңа мен келип,
Мына эми кете албай турамын.
Булакта сагыныч-бугу бар,
Булакта күлкүнүн туну бар.
Булакта жүз чайып суу алган,
Буралган кара көз сулуулар.
Булакта түгөнгүс кайрык бар,
Булакта шашылбас жайык бар.
Булакта пейили кең жигиттей,
Берешен, орошон марттык бар.